ساعة الكوع حمى

وكل الخلوق مهتمة

المكتوب صدر

وريحة العدو بتنشما

ابوفاطمة الاصم

اسما عليهو مسمى

ما هادن واعتذر

اوفكر قليل ينجما

حفيد ود النمير

صنديد بيزيل الغمة

معروف في الدواس

عدوهو يوم ما سما

إن حزم معاك

كل الامر بنتما

وإن قبل عفاك

ما بظلمك في الذمة

معروف الشريف

لي دنيا يوم ما همة

بذرة صالحين

في فارغة مابتلما

وإن زارنا الحزن

بنتذكرك يا يمة

تدينا منك صبر

وتشدي فينا الهمة

ونتباشر معاك

بالخير والنصر

وبهاشم شهيد الامة

تقبل الله الشهيد

كيف الزول يعيش يتهنا           في دار إن بقت مادارو

انت شهيدنا ونحن رضينا         بحكم الإله واقدارو

وكل عزاءنا انت شفيعنا          في يوم الخلوق يتجارو

هذي الدنيا مابتغريك             يا ابن الكرام السارو

وزي ماهسه اتفرقنا             بنتجمع هناك في ديارو

الله وعدنا وانت صدقت          يا الجار البيفقد جارو

تجبر في الخواطر ديمة         وبتقبل لاخوك اعذارو

كملت الفراسة برااكا           وفجيت لعدوك اوكارو

تقبلك الله

نستقبل بوح مشاعركم تجاه الشهيد من خلال الضغط هنا وأيضا من خلال نموذج جمع البيانات في الأسفل